2009-9-5 16:21
lagee
9月4號黃子華棟篤笑2009嘩眾取寵觀後感
跟住係涉及內容既,
不喜就不要看,
子華今次的棟篤笑係暗藏咗以往用過既字眼,
而子華棟篤笑的兩大例行「公事」回水!除褲!當然由頭叫到尾,
而子華都作了首回水歌:
除褲!除褲!除褲!除褲!回水!回水!回水!回水!除完褲你又會叫回水!
回水!呢個世界冇回水!
回水!Michael Jackson 50 歲問邊個回水!
回水!個 show 好睇又叫回水,
回水!回水就最好睇啦!回水!
最後叫埋呢轉就正式開show!1,2,3,回水~~~
呢首歌除咗令大家迅速熱身外,
更指出社會的荒謬,就係好多時人一旦遇上不遇己意就要求補償,
回水歌完後就正式開始,
一開始就講全世界人都中招,
但冇得回水的金融海嘯,
明明唔係第一次有,
但點解個個一樣中...(其中已提及當年<拾下拾下>的「Number 降」)
而其中子華指自己十年間瀨四次野,(又無啦啦講句人生有幾多個十年...)
姐係指出普遍大眾近十年身家大縮水四次,
包括「九七」,「科技股泡沫爆破」,跟手的「沙士」同近期的「金融海嘯」,
但我們 4 次全中,
原因係「覺得自己好好彩」係人的本性,
每一個人都覺得自己好好彩,行運,
過去發生左又點,
大家都冇去理,
繼續錯落去,
明明我們平時的生活非常保守,
但我們卻會相信銀行理財廣告,
以為自己時來運轉,
連銀行推出一種名為「梵高理財」的服務都相信,
(梵高係一名窮都極的畫家,係真有其人的)
「由一個有精神病的人為你理財,有海嘯好合理,現在出了梵高白(帛)金卡,一卡在手,喪禮無憂。」
子華呢句除咗係令大家笑之外,
也指出大眾就算下一次又見棺材(即係金融海嘯之類),都會再「瀨野」。
佢又指出對自己既選擇都無把握的人,
慿乜去為社會選擇,(如選議員)
跟住由投資轉落去愛情 ,
用Mr孔明與娶著名醜女黃阿醜(即某遊戲的黃月英)
同紅樓夢既賈寶玉要林黛玉,
前者指出古時有人為名氣而取妻,
今有人為錢而結合,
(當中佢有提到如懂風水,效果更佳哈哈哈哈)
後者指出明明賈寶玉有更好的選擇,
偏偏要揀個超麻煩的林黛玉,
即代表現今男仔經常揀d麻煩女黎虐待自己,
明明唔適合自己既,但一齊左又要怨,
而當中子華也抽出紅樓夢既黛玉葬花唱出黎,
指出林黛玉小事化大的性格,
也引申出著名的機場阿嬸只不過係上不了機就成個細路禁磨地,
再黎凱旋門既港男港女,
港女既只不過因男方係女方未擺好post就影相而說出而下的說話,
我屌你咩? 唔撚影呀!都未撚擺好post,我屌你老母唔撚影呀....
(個時一開始係嘟,跟住子華問想唔想聽原文,點知現場有小孩,跟手子華講咗句:呢到唔岩小朋友傢,呢個時候你應該係屋企睇麥提爽...)
但個男既之後依然死死地氣禁禁呵返條女...
一個願打,一個願捱 ...
跟手又用老伯伯買馬的例子指出就算老夫老妻都唔好得幾多,
再下一步講結婚
子華邀請女觀眾上台扮結婚,
並借黑社會入會誓詞變結婚誓詞...
指出結婚承諾好容易,因為大家都無講過無跟承諾做會點,
跟住上半場完結
(上半場有part係講深水埗,但我唔記得係咩位,子華問邊個住深水埗,有d人拍手,子華話我唔係岐視深水埗,跟手有條友話佢成日去深水埗,子華答:禁又點?你成日去深水埗姐係你係英雄好威?現場勁爆笑)
下半場一開始講結婚離婚破產
3樣野,好慘,
但結婚六百幾,離婚四百幾,破產都九百幾
3件事禁淒涼都不過係2千幾
點解咁唔值錢？
跟住講消費文化,
我地買一份$6的報紙,但裏面附送的刊物係介紹六十至六百萬的手錶,
指出我地基本上係冇咁既能力買得起,
但社會氣氛令你追求物質,不論係妄想定真係有能力,
令外再以二手車的例子指出冇錢學人豪,
豪唔起去投資,
但係又唔學,
亂禁黎,要破產有幾難?
「婚前性行為會身敗名裂，搞婚外情可以致富」
跟住佢提出時代已經令社會變咗,
婚前性行為,閃卡,係道德問題,
但你批評人地不道德,禁你自己又有幾道德呢?
係未做過愛就不能天真?
婚前性行為明顯係指閃卡事件,
相關人士下場有目共睹,
婚外情係指「小甜甜」事件,
婚前性行為的只因拍了相被公開就被批評不道德,
但婚外情的反而有大量財富?
另外閃卡事件也引申出以前做愛只係單純愛的表現(!?)
但而家做愛要拍片唔係就白做(子華講的例子)
究竟性行為係代表乜?
另一方面科技發達令到色情資訊氾濫,
以前的人會因為看不到一張肉彈照而失落(子華講佢想將令肉彈照被沒收的班長滅口哈哈哈)
但現今的小孩的電腦都講緊有上百套AV,
更荒謬是早前竟有一班年輕人拍下自己犯罪的暴力情況(即吉野家事件),
睇得多，是非價值歪曲,
點解?眼見為證,
個個得性,愛情變得膚淺,
所以結婚係六百幾,離婚四百幾......
跟住就小孩的電腦例子那段對話,
引申出環保署個件事來批評政府,
另一方面就愛情變得膚淺引出生活充滿各種失意,
而科技的發達令我地有多種渠道表達你既想法,
你可以有個人電台(失戀腎虧俱樂部哈哈....),發表個人見解,
但也因而令每個人的價值觀變質...
例子有香港有少女竟敢在網上對四川地震災民,
公開作出幸災樂禍的言論,
因為「她活在一個諗到就可以做的年代」
科技令大家可以諗到就做,
但同一時間也令每個人的價值觀變質,
先講d不涉及內容既先,
今次都係四面台,
成鬼日對住過背脊,
今次的內容其實淺易咗去理解,
可能要就返d一般大眾,(我自小就有睇開子華不論上網定現場,所以0K)
但都有少少係唔明,要人提一提,
歌的部份多咗,
而子華究竟係真係老定係扮失憶呢?真係唔知...
現場也有越大鑊越快樂DVD連日曆<--$120,我買了
世界係停不了改變,
人,事,科技等等...
但有D價值觀係不應該變的...
你係需要適應改變咗的世界,但壞的改變都需要批判,
跟手引用網上一篇鬧男友既文章l,
除左係鬧得荒謬,
你又無諗過,條仔禁差你當初又會要?
完場前,
七步成歌,
講的我諗係子華對現今社會的睇法同總結全個SHOW既內容,
其實子華的棟篤笑係必需要有留意時事的,
有大家無謂再比壓力佢啦,
我覺得今次<嘩眾取寵>絕對唔差,
加上時代已變,總不能只講政治啦!
以上!